O Departamento de Normalización Lingüística do Concello da Coruña organizou na primeira metade do ano unha morea de actividades para todos os públicos.

1. Programa Apego 

https://www.coruna.gal/lingua/gl/dinamizacion/apego

Normalización Lingüística do Concello da Coruña organizou, de febreiro a xuño, as seguintes actividades para familias con crianzas de 0 a 6 anos no Centro Ágora:

• "C@nto contigo", de Paco Nogueiras  (para maiores de 3 anos), música en directo das cancións máis queridas dos seus traballos "Brinca Vai", "Radio Bulebule" e "Extra".

• "O poder de Amabel", de Pérez e Fernández (auditorio)  (+5 anos), peza de teatro inspirada no libro do mesmo título de Érica Esmorís. 

• "As palabras perdidas", de Inventi Teatro (auditorio)  (+4 anos), espectáculo teatral no que se pon en valor o noso idioma.

• “Pum, pum!", de Baobab Teatro (auditorio)  (+3 anos), representación teatral na que se aborda a preocupante temática dos abusos sexuais na infancia.

• "Leo e as cores", de Trémola Teatro  (para menores de 3 anos), actividade moi participativa na que as crianzas máis pequenas aprenden conceptos e valores.

• "Contos en familia", de Cris de Caldas e Xabi do Camiño  (de 1 a 3 anos), sesión de narración oral con música en directo e exposición de libros con charla para descubrir recursos.

• "O libro máxico", de Migallas Teatro (+3 anos), espectáculo no que se mesturan os contos, a música e o teatro coa lectura como protagonista.

• "Os instrumentos teñen vida propia", de Laura Romero  (+5 anos), obradoiro creativo no que as nenas e os nenos crean unha personaxe baseada nun instrumento tradicional.

• "Arrolos e colos musicais", de Leticia Falcón  (de 0 a 2 anos), obradoiro de cancións de berce co que aprender novas melodías e coñecer materiais musicais.

• "Os contos do chupete", de Migallas  (-3 anos), actividade na que se integran música en directo, literatura infantil, expresión dramática e tradición oral

• "Son animal", de Paco Nogueiras  (+3 anos), presentación do novo espectáculo musical dedicado aos animais máis próximos e aos seus sons.

• "Un conto ao revés", de Chuches Amil  (+3 anos), concertiño do seu libro-disco no que nada é o que semella ser.

• "Carapuchiña Vermella e os cinco lobiños", de Ángeles Goás  (de 1 a 3 anos), sesión de narración oral con música en directo na que as e os máis pequenos coñecen unha versión distinta do conto tradicional.

• "Foliada con Apego", de Pablo Díaz e Olga Kirk  (+3 anos), música e baile tradicional no que participa toda a familia mesturado co xogo.

• "Confi, o golfiño Manoliño", da Xanela do Maxín (auditorio)  (+3 anos), presentación dun novo espectáculo teatral-documental con concienciación ambiental.

2. AgoraSón  

• Familia Caamagno no AgoraSón da primavera 2024  en concerto para público adulto, co gallo do Día das Letras Galegas e para promover a lectura en lingua galega e o préstamo de material audiovisual, a través das bibliotecas municipais 

3. A Coruña das Letras 

• A Coruña das Letras: andainas guiadas por Xurxo Souto pola Coruña máis descoñecida : "As Mariñas Douradas (ruta polo Castro e Elviña)" e "O ascenso á Pena da Vixía (ruta por Monte Alto)" para maiores de 16 anos.