Unha colección de 15 módulos interactivos que permiten xogar e experimentar con diferentes máquinas e dispositivos, para internarse en numerosos aspectos relacionados co movemento dos péndulos.
Na exposición Puro swing, as persoas visitantes pódense subir a unha randeeira moi especial, comprender o segredo do botafumeiro, ver como a gravidade fai debuxos xeométricos ou descubrir como funcionaban os reloxos antes de que houbese pilas.
Ademais, mostra os péndulos como instrumento clave na historia da ciencia. Déronnos a primeira medida precisa do tempo: cos péndulos, os reloxos pasaron dunha precisión de máis ou menos 30 minutos a tan só uns segundos. Este salto produciu grandes logros científicos:
Un parque de xogos
Poida que esta exposición lembre un parque infantil... e é que está deseñada con esa intención! A Casa das Ciencias sempre foi un lugar no que as persoas visitantes de todas as idades poden explorar libremente fenómenos e mecanismos de todo tipo.
É o que fan os nenos e as nenas para descubrir como funciona o mundo ao seu redor. Nas randeeiras, tobogáns e carruseis facemos as nosas primeiras exploracións de fenómenos como a gravidade, o rozamento ou o movemento circular. Puro swing recrea eses experimentos informais e intuitivos. Coa vantaxe de que aquí hai explicacións, por se as necesitas, e tamén as persoas adultas están convidads a compartir o xogo.
A exposición está producida polos Museos Científicos Coruñeses, cofinanciada pola Fundación Española para a Ciencia e a Tecnoloxía, coa colaboración de Principia, Centro de Ciencia de Málaga, e o Museo da Ciencia de Valladolid.
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10 h a 20 h, con último acceso ás 19 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible