9 de outubro de 2020
As persoas inscritas en cada club participarán nas actividades desde outubro ata xuño, un día á semana durante unha hora e media en horario de tarde.
O Science Action Club, que organiza a Domus, en colaboración coa California Academy of Science de Estados Unidos, é un club de ciencia cidadá para explorar a natureza e aprender ciencia, tecnoloxía, enxeñería e matemáticas (STEM).
Trátase dun programa extraescolar que inclúe tres bloques nos que se organizarán as actividades e experiencias: Exploradores de aves, Safari de bichos e Buscadores de nubes.
Este Club de Ciencia está dirixido a alumnado de 5.º e 6.º de Primaria e de 1.º e 2.º de ESO. As sesións, que comezarán o 21 de outubro, realizaranse en dúas quendas:
Convócanse 9 prazas para cada unha das quendas. A preinscrición abrirase o luns 12 de outubro ás 10.00 horas a través deste formulario electrónico.
Unha vez que finalice o proceso de solicitude de praza e se superan as solicitudes á oferta en cada unha das quendas, realizarase un sorteo público (o 16 de outubro) para adxudicar 9 prazas en cada quenda.
O prezo da actividade é de 29,09 euros.
As actividades desenvolveranse baixo as medidas de prevención e seguridade ditadas polas autoridades sanitarias.
Science Action Club é unha iniciativa que busca mellorar a calidade e cantidade de oportunidades de aprendizaxe en ciencia e medio ambiente dirixida á mocidade fóra da aula. En América do Norte ten unha ampla traxectoria, cunha participación anual de máis de 400 escolas, museos, bibliotecas, campamentos de verán e outras organizacións. Agora, Science Action Club chega a Europa por primeira vez da man dos Museos Científicos Coruñeses.
Actividades relacionadas
15 de agosto de 2024
A instalación conta cunha piscina de illamento con subministración continua de auga salgada entre outras novidades
23 de xullo de 2024
Un vídeo divulgativo amosa como se realiza a captura no mar e o seu traslado ao acuario coruñés.
16 de xullo de 2024
«Fotografías da natureza 2024» contén as imaxes premiadas na última edición de European Wildlife Photographer of the Year.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible