A Concellaría de Igualdade e Participación Cidadá do Concello da Coruña e a Asociación de Fútbol Afeccionado da Coruña (AFAC) organizaron o primeiro encontro entre a selección galega e a da Coruña de fútbol feminino o 15 de xuño de 2008 no Campo da Torre.

 

O encontro celebrouse dentro do III Torneo Internacional de Fútbol Base AFAC, no que por vez primeira a asociación de fútbol afeccionado integrou no campionato un partido con equipas femininas.

 

O evento foi presentado formalmente ante os medios de comunicación no Pazo María Pita pola concelleira de Igualdade e Participación Cidadá, Margarida Vázquez, a adestradora da selección galega de fútbol feminino, Pilar Neira, o adestrador da selección da Coruña, Antonio Castro, o vicepresidente de AFAC, Xoán Carlos Vázquez e a xornalista e ex capitana do Karbo,Lis Franco.

 

 

A responsábel de Igualdade no Concello felicitou en primeiro lugar a iniciativa de AFAC de promover un encontro de fútbol con equipas femininas. A concelleira explicou que desde o primeiro momento Igualdade aceptou colaborar na organización do evento por entender como feito moi positivo promover a participación da muller nunha disciplina deportiva con representación maioritaria masculina.

 

Margarida Vázquez indicou tamén que o encontro, o primeiro que se celebra entre a selección galega e a da Coruña, ten por obxectivo recuperar a práctica deportiva do fútbol feminino na cidade, que lembrou, chegou a ser campiona estatal no ano 1981 a través do Karbo, club do que era capitana entón a xornalista Lis Franco.

 

XOGADORAS CONVOCADAS:

Selección da Coruña

Rita Lema, María Celia Gándara, Cristina Lago, Laura Otero, Guadalupe Pariente e Saleta López (Galicia Gaiteira C.F.)

 

Silvia Amenedo, Chus, Aldara Vidal, Sara Vázquez, Ana Lago e Marta Regueira (Orzán S.D.)

 

Gorane Casal e Ana (C.D. Boiro)

 

María Roibás, Cristina Sánchez, María Ofelia e Silvia Mosquera (S.D. Ciudad de Santiago)

 

Paula Pérez, Montserrat Torras, Carmen Casais e Natalia Seco (Xuventú Aguiño C.F.)

 

Selección Galega Femenina Absoluta

Carolina Baños ameneiro e Marta García (Atlético Ourensana)

 

Mónica Naval Cortes, Sara e Peque (Peluquería Mixta Ferrol)

 

Sara González rodríguez, Maite Soage, Andrea, Leticia e Vanesa (Pontevedra F.C.)

 

Beatriz e Ana Buceta (Bertola F.F.)

 

Anair (Atlético Muralla)

 

Uxía Parcero e Barca Toba (A.F. Val do Ulla)

 

Anair Lomba Álvarez (Unión Guardesa)

 

Mirian (Orzán S.D.)