Co gallo de presentar a nova etapa do club de lectura xuvenil da Biblioteca Durán Loriga, organizamos un percorrido pola nosa contorna para coñecer todo o que o barrio da biblioteca nos pode ensinar en canto a literatura, música e historia. Para iso vincularemos o territorio con literatura, coa música e a información que poida achegar aos máis novos todo o que nos rodea e que, ás veces, queda agochado sen máis.

Un novo nome, O Ensanche. Un novo comezo. E miles de posibilidades para toda a rapazada que queira achegarse, coñecernos de primeira man, coñecer o barrio e que sinta curiosidade por ver que se coce. Ao mellor ata vos animades a apuntarvos ao club!

Se queredes máis información podedes vir preguntar á Biblioteca Durán Loriga , chamarnos por teléfono (981 184 388) ou escribirnos ao correo (bduranloriga@coruna.gal).