Por segundo ano consecutivo, e tras o éxito acadado mesmo fóra das nosas fronteiras, este ano volvemos na procura de tesouros agochados na nosa cidade a través do "xeocaching" e de agochalos tamén para que outras persoas os atopen!

Dentro do Programa BiblioTECH, da Biblioteca Durán Loriga, poderás formarte nesta aplicación tecnolóxica que logo poderás trasladar para crear o teu propio xogo de orientación e descubrimento.

Co geocaching convidámoste a descubrir localizacións das cousas que te propoñas, dentro ou fóra da túa cidade, explorando "xunto" a outras persoas usuarias.

Xógase a nivel internacional, e está englobada dentro do nivel 2 da clasificación de RA (realidade aumentada), como unha forma de realidade virtual sen marcadores, na que se esconden tesouros por todo o mundo e o teu reto é atopalos. Un xogo de pistas e orientación que xa atrae a millóns de persoas! 

O ano pasado agochamos balizas que ata os cruceiristas que arribaron á Coruña atoparon nos seus paseos pola cidade. Queres saber do que somos capaces este ano? Só tes que inscribirte!

Esperámoste!