Nas augas galegas nadan os mellores produtos do mar. E a Lonxa da Coruña é o seu exemplo máis representativo, líder, nin máis nin menos, que en descarga de peixe fresco e unha das lonxas máis importantes de Europa.

Cando a cidade dorme e aínda é de noite, a Lonxa da Coruña xa desborda actividade. Nas súas instalacións descárganse toneladas de peixes e mariscos que se exhiben almacenados en caixas esparexidas polo chan e listas para ser vendidas. Entre as capturas: enormes polbos, pescadas e rapes, centolas e percebes, xurelos, lirios, xardas, bonitos ou sardiñas. Os martes e xoves son os días máis animados. Mariñeiros, mariscadores e compradores danse cita de madrugada e, caderno en man, alzando a voz, a velocidade de vertixe e cunha linguaxe practicamente incomprensible, inician a poxa.

Todo un espectáculo! Que en pouco menos de dúas horas finaliza e pon rumbo ás mellores superficies comerciais e restaurantes de España; e como non, tamén ás prazas de abastos da cidade, como a de San Agustín ou a praza de Lugo. De aquí, ás cociñas dos restaurantes locais e ás casas coruñesas. Máis fresco imposible!