Sede electrónica

As sedes electrónicas foron creadas pola Lei 11/2007 posteriormente derrogada pola Lei 39/2015, do 1 de outubro. Permiten o acceso da cidadanía e das empresas a toda a información, procedementos, trámites e servizos que están dispoñibles electronicamente neste concello.

Accede á sede. Atoparás moita información de interese consultando o seu menú.

Catálogo de procedementos

A propia sede electrónica municipal ofrece un catálogo de procedementos en liña que se poden realizar desde a web municipal. Dende ela e cos permisos necesarios que establece a lei, pódense realizar determinados trámites sen ter que desprazarse ás oficinas municipais.

Así mesmo, na sección Servizos da web municipal atoparás unha descrición dalgúns trámites de competencia municipal, aínda que só con valor informativo.

Taboleiro de edictos municipal

Neste taboleiro pódense consultar os edictos e anuncios que normativamente así o dispoñan. O acceso a el non requirirá ningún mecanismo especial de acreditación da identidade da cidadanía, polo que se garante o seu acceso, a autenticidade, integridade e dispoñibilidade do seu contido segundo as disposicións legais vixentes.

A Lei 15/2014, do 16 de setembro, de racionalización do sector público e outras medidas de reforma administrativa (BOE 17-09-2014), implantou o Taboleiro Edictal Único (TEU) a través do «Boletín Oficial do Estado» como medida orientada a facilitar as relacións entre a administración e a cidadanía. Desta maneira as persoas cidadás saberán que, mediante o acceso a un único lugar e coa garantía e seguridade xurídica que supón o BOE, poden ter coñecemento de todos os anuncios para seren notificadas que lles poidan afectar, independentemente de cal sexa o órgano que os realiza ou a materia sobre a que versan.

Consulta aquí a ligazón

Exposición pública de expedientes urbanísticos

Algúns expedientes relacionados con cuestións de relevancia urbanística (que afecten ao planeamento, licenzas, xestión urbanística e servizos xerais) deben someterse ao trámite de información pública tras seren aprobados inicialmente polo Goberno municipal, co fin de que a cidadanía poida formular as alegacións que considere oportunas. Estas alegacións poderanse presentar, entre outros, nos rexistros municipais (ou os que permite a lei) dentro dos prazos sinalados no anuncio de aprobación de cada un dos expedientes.

Consulta aquí os que están expostos.

Expedientes de proxectos con repercusión ambiental significativa

• Información dos permisos de vertedura actuais
• Expedientes de proxectos do municipio sometidos a avaliación de impacto ambiental de competencia da Xunta de Galicia
• Expedientes de proxectos do municipio sometidos a autorización ambiental integrada (competencia da Xunta)