Se a cidadanía coñece como se toman as decisións que lle afectan, como se manexan os fondos públicos ou baixo que criterios actúa o goberno municipal, empézase a responder a unha sociedade crítica, esixente e que demanda participación na toma de decisións.

Esta transparencia, fronte á idea de segredo e reserva, reforza o carácter democrático de calquera Administración pública xa que queda suxeita ao control cidadán.

• Canta máis transparencia (publicidade proactiva), menos necesidade de demanda de información porque xa estará exposta (publicidade pasiva)
• Canta máis transparencia, maior participación porque a cidadanía poderá opinar ao ter datos fiables.
• Canta máis transparencia, maior garantía de cumprimento dun programa de goberno porque se poderá avaliar.

Por tanto, e non simplemente polo feito de que exista unha lei que "obrigue", a esixencia dunha cultura da transparencia debese ser a meta de calquera Administración para lograr unha sociedade mellor, máis informada, máis esixente e máis participativa, conseguindo así un verdadeiro goberno aberto.

Por todo isto e máis, créase e desenvólvese este Portal da Transparencia do Concello da Coruña. Fainos as túas propostas a tarvés do enderezo de correo electrónico alcaldia@coruna.es