Sempre respectando os límites que marque a lexislación vixente, así como as posibles delegacións que se poidan acordar, as competencias en materia orzamentaria son:

• A autorización e disposición de gastos correspóndelle ao alcalde ou alcaldesa, Xunta de Goberno Local e Pleno segundo as súas competencias, sen prexuízo das posibles delegacións acordadas.

• O recoñecemento e a liquidación de obrigas derivadas de compromisos de gastos legalmente adquiridos, correspóndelle ao alcalde ou alcaldesa, e pola delegación conferida, aos/ás tenentes de alcalde responsables de área, concelleiras/as delegados/as, coordinadores/as, directores/as de área ou órganos similares.

• Correspóndelle á Xunta de Goberno Local a competencia en materia de contratación e concesións, incluídas as de carácter plurianual, a ampliación do número de anualidades e a modificación das porcentaxes deses gastos plurianuais, así como a xestión, adquisición e alleamento do patrimonio.

• A ordenación e a sinalización de pagos correspóndelle ao alcalde ou alcaldesa, e pola delegación conferida na súa ausencia, á concelleira ou concelleira delegado de Facenda.