O bando é un mandato publicado polo alcalde ou alcaldesa, de obrigatoria e xeral observancia. Ten un carácter máis solemne tanto na súa forma de redactarse como na de publicarse, aínda que carece de valor normativo.

Son moi utilizados nalgúns concellos como recordatorio do cumprimento de obrigas locais, pero tamén como vehículo informativo e transmisor de asuntos de interese para o conxunto da comunidade local, encaixando plenamente no mandato da Lei 19/2013 de transparencia e bo goberno.

Os edictos adoitan ser anuncios que lle fai o/a alcalde/esa á cidadanía para coñecemento de determinadas cuestións de interese da veciñanza, en relación con certas actuacións municipais para que sexa notorio e de coñecemento xeral.

• Por exemplo: o anuncio dunha campaña de desratización nun barrio ou zona concreta, apertura de prazo para o cobro de tributos, comunicación do peche dalgunha rúa pola Cabalgata de reis etc.