ANUNCIO de información pública sobre o convenio urbanístico mixto de plan e execución para a área de plan incorporado API Q28 "Parque de Oza", autorizando á súa firma (expediente 631/2024/202).

A Xunta de Goberno Local, na sesión celebrada o 04.09.2024, acordou a tramitación do convenio urbanístico mixto de plan e execución para o desenvolvemento da área de Plan Incorporado API Q28 "Parque de Oza", autorizando á súa firma.

En cumprimento do disposto no artigo 168 da Lei 2/2016, de 10 de febreiro, do chan de Galicia, e artigo 401 do seu Regulamento, unha vez que o referido convenio foi subscrito, sométese o expediente a información pública polo prazo dun (1) mes, contado desde o día seguinte ao da última das publicacións deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar o convenio e formular as alegacións que procedan.

A documentación do convenio estará a disposición das persoas interesadas no taboleiro de anuncios da sede electrónica do Concello, no apartado de información urbanística, e na páxina web de Urbanismo, no apartado de exposición pública. Tamén poderá consultarse fisicamente nas dependencias de Área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 9:00 a 13:00 horas.

A Coruña, 12 de setembro de 2024

O concelleiro delegado responsable da área de Urbanismo, Rehabilitación e Vivenda