Que onde estea o artesanal, que se quite o industrial. Xa pagas tres euros e medio por un pan de espelta, dous cincuenta por un café de especialidade recentemente moído e dez por un cóctel cuxo valor engadido é que o camareiro leva tirantes e o vaso é un peixe. Cremos que vale a pena pagar un pouquiño por ver a estes rapaces facendo as súas bromiñas de forma manual, sen edición, sen cortes, só ti e eles. Puro produto. Ir vernos tamén encaixa na imaxe que queres dar de ti mesmo. Déixate estafar por nós tamén.

Pantomima Full, hecho a mano é o terceiro espectáculo de Pantomima Full. Tan malo non será se a xente chapou o primeiro e logo o segundo. Ofrece máis do mesmo, isto é así, atopamos unha fórmula que nos funciona e imos espremela. É o que faría calquera. Por tanto, se che apetece estar durante unha hora e media vendo monólogos sobre os temas dos nosos vídeos e pezas cómicas cos nosos personaxes, pilla unha entrada. Outras cousas valen máis e pensáchelo menos. Na túa vida liches a recensión duns vaqueiros.

VENDA DE ENTRADAS

• Despacho de billetes da praza de Ourense (excepto festivos): de luns a venres de 11.00 a 15.00 h e de 16.30 a 19.30 h
• Despacho de billetes do Teatro Colón: desde dúas horas antes do comezo do espectáculo (sempre que queden entradas dispoñibles)
• www.ataquilla.com