Ao longo do mes de xuño desenvolveranse  diversas actividades de clausura do programa A Coruña Tardes. Por unha banda, "actividades de portas abertas", en 9 centros e, por outra, 32 actividades de exhibición e representacións, no resto dos centros inscritos no programa (ver  programa adxunto ).  

A Coruña Tardes é un programa de actividades extraescolares do Concello da Coruña, organizadas pola Federación Provincial de ANPAS de centros públicos, que vai dirixido ao alumnado de Educación Infantil, Primaria e Secundaria dos centros públicos do concello. Desenvólvese en horario de luns a venres, de 16.00 a 18.00 horas e consta de 3 subprogramas: Arte e cultura no centro; Deporte no centro e Idiomas no centro. 

No curso 2023/24, participaron 2.359 escolares de 25 centros, en 34 actividades, organizados en 160 grupos.