O alumnado gañador do Concurso Imaxina participa na feira de ciencia en Bilbao
Cando:
29 de maio de 2024
O IES Rafael Puga Ramón recibiu o premio ao terceiro mellor proxecto na categoría 3º-4º da ESO da feira Elhuyar Zientizia-Azoka 2024
Do 22 ao 25 de maio, cada un dos grupos gañadores das distintas categorías do programa Imaxina participaron na feira Elhuyar Zientizia-Azoka 2024. Precisamente nesta feira, o proxecto 'A cidade de cristal desde as perspectivas STEAM e de sostibilidade' do centro educativo IES Rafael Puga Ramón recibiu o premio ao terceiro mellor proxecto na categoría 3º-4º da ESO, que consiste na participación na Feira "Vila Ciencia" de Vila-Real (Castelló).
Nas imaxes pódense ver aos representantes da Coruña presentando os seus proxectos.
Elhuyar Zientzia Azoka
A edición de Elhuyar Zientzia Azoka deste ano prolongouse durante catro días, do 22 ao 25 de maio, e tivo lugar no Arenal de Bilbao. Nela expuxéronse 200 proxectos e participaron 800 mozos de 70 centros escolares. Ademais de mozos dos centros educativos do País Vasco, participaron tamén gañadores doutras feiras tanto do ámbito español como internacional: en total, asistiron a Bilbao 11 equipos.
Programa ao que pertence
- III Concurso Imaxina Coruña 2023-24
O Servizo de Educación, en colaboración co Servizo de Cultura, organiza a III edición do programa IMAXINA CORUÑA, para o curso escolar 2023-2024.
O programa Imaxina Coruña nace como unha iniciativa municipal de carácter innovador que pretende difundir a cultura científica e tecnolóxica entre o alumnado de secundaria.
A organización proporá un tema que servirá de marco para que o alumnado participante desenvolva un proxecto orixinal empregando ferramentas científicas, tecnolóxicas e matemáticas (STEM) que teña como finalidade contribuír á resolución dun problema real da sociedade. O proxecto finalizará coa presentación pública dos experimentos ou materiais creados que cheguen á fase finalista.
Máis información
Elhuyar Zientzia Azoka
Elhuyar Zientzia Azoka
Elhuyar Zientzia Azoka
Elhuyar Zientzia Azoka
Elhuyar Zientzia Azoka
Elhuyar Zientzia Azoka
Elhuyar Zientzia Azoka
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible