O obxectivo último deste programa é a activación, en maio de 2023, do Consello Local da Infancia da Coruña, un órgano representativo onde nenas e nenos de toda a cidade sexan as representantes da infancia e lle trasladen ao concello as necesidades, propostas e suxestións en torno ás cuestións que lles afectan no día a día, exercendo así o seu dereito á participación e levando á práctica o labor da cidadanía participativa.

Como pasos previos á constitución deste órgano, cómpre realizar un traballo previo coas crianzas,tanto nas aulas como fóra. Este traballo comezará liderado polo profesorado de 5.º e 6.º de educación primaria, que apoiados nunha guía didáctica para o traballo en aula, compartirán co seu alumnado contidos e dinámicas sobre dereitos da infancia, participación cidadá e valores democráticos, facilitando que nenas e nenos comecen a valorar os procesos participativos e recoñezan a súa capacidade para formar parte do primeiro órgano representativo da infancia da cidade, convidándoas a candidatarse para o CLIAC.

Con este pequeno grupo, formado por nenas e nenos de todos os centros participantes, realizaranse sesións formativas en horario extraescolar, preparándoas para participar na sesión de constitución do CLIAC que terá lugar en maio, aprobando así formalmente este novo órgano.