Os campamentos realizaranse, de forma xeral, de luns a venres das 10.00 ás 14.00 h en varios centros públicos da cidade. Os días festivos non haberá campamento.

LUGARES DE REALIZACIÓN

Para 1.º a 3.º de E. primaria: CEIP Anxo da Garda

Para 4.º, 5.º e 6.º de E. primaria: CEIP San Pedro de Visma

Para 1.º, 2.º e 3.º de ESO: IES Ramón Menéndez Pidal

Nos CEIP Anxo da Garda e San Pedro de Visma poderanse solicitar os servizos de:

• Madrugadores (con ou sen almorzo): de luns a venres, das 08.30 ás 10.00 h
• Comedor: de luns a venres, das 14.00 ás 15.30 h (poderase saír a partir das 15.00 h)

NÚMERO DE PRAZAS

3 grupos de 15 escolares por sede e quenda. Reservarase un 33% das prazas para os/as escolares matriculados/as no centro sede.

ADXUDICACIÓN DE PRAZAS

Poderase solicitar ata 5 quendas por orde de preferencia, e adxudicarase un máximo de 2 quendas con carácter común. En caso de vacantes, adxudicaranse as quendas restantes solicitadas e sempre por orde de preferencia.

A adxudicación realizarase a partir do número seleccionado no sorteo público. A cada solicitante asignaráselle un número correlativo segundo o momento da inscrición.

En caso de irmáns ou irmás inscritos neste programa, tomarase como referencia o número de adxudicación de quen se inscriba en primeiro lugar, sempre que sexa correlativo.