Dentro das múltiples experiencias culturais que ofrece o programa educativo "Arte e cultura no centro", o venres 20 de decembro de 2024, 199 escolares de Educación Infantil asistirán ao espectáculo multidisciplinar "De aquí para allá".

"De aquí para allá" é un proxecto didáctico impulsado pola pedagoga musical Lidya Botana, que pretende espertar o interese das nenas e os nenos pola música e as culturas doutros lugares transportando una mesma melodía por xéneros musicais como a bossa nova, o rap, o son cubano ou o reggae/ska.

Esta actividade forma parte do programa "Arte e cultura no centro 2024-25", que ofrece unha experiencia educativa que complementa a xornada escolar de nenos e nenas, promovendo o seu desenvolvemento integral a través dun amplo abano de actividades artísticas e culturais nunha contorna lúdica.