A Domus acolle mañá, xoves 17 de novembro, ás 17.00 horas, unha xornada presencial (con posibilidade de acceso telemático), sobre a temática proposta para os proxectos do IV Concurso Imaxina Coruña 2024-25 : "Auga Limpa, Futuro Sostible", unha oportunidade para que os/as estudantes desenvolvan competencias científicas e sociais á vez que achegan solucións creativas a un dos maiores desafíos do noso tempo: garantir o acceso universal a auga limpa e saneamento.

Na xornada presentaranse diversas propostas como exemplos de proxectos sobre esta temática para a elaboración dos traballos escolares. Ademais, realizarase unha dinámica de asesoramento sobre os proxectos previstos polos centros por parte de persoal especialista e persoal dos Museos Científicos Coruñeses. Por último, explicarase con detalle o funcionamento do programa IV Concurso Imaxina Coruña 2024-25 .

Poderase acceder á reunión telemática a través do seguinte código: https://meet.google.com/ojs-wsaf-nyx

Pola súa banda, os/as docentes dos centros interesados en acudir poderán confirmar a súa asistencia a través do correo imaxina@coruna.gal.