Con motivo do Día Mundial da Infancia o 20 de novembro, 11 nenos e nenas da cidade, en representación do Consello local da infancia da Coruña (CLIAC), acudiron como convidados/as pola Cadena Ser a participar no seu programa informativo matinal.

O Consello Local da Infancia é un órgano de representación infantil onde nenos e nenas de toda a cidade de 5º e 6º de primaria, así como de 1º de ESO, trasládanlle ao concello as súas necesidades, propostas e inquietudes que afectan á infancia no seu día a día; exercendo así o seu dereito á participación e levando á práctica o traballo de cidadanía participativa, coa culminación dun pleno infantil.

Durante a entrevista, os nenos/as participantes expresaron a súa motivacións por participar neste proxecto así como as novas ideas e proxectos sobre os que van traballar este curso.