O Concello da Coruña, a través do Departamento de Exposicións, Coleccións e Museos Históricos, arrinca hoxe unha actividade de visitas guiadas e talleres da exposición "Ssszzziúuu, a melodía das buxainas".

Esta exposición é a culminación do proxecto "Ssszzziúuu", que naceu do libro homónimo publicado no ano 2022, e do que son autores Lestonnac Ibáñez (fotógrafa) e Luís Ramas (profesor e coleccionista de buxainas).

A actividade, que está dirixida ao alumnado de todos os niveis educativos e de calquera concello, é unha invitación non só ao coñecemento deste xogo popular e tradicional senón tamén á súa revitalización e das emocións e sentimentos que provoca.

Os centros interesados en asistir deberán realizar a inscrición a través da ficha específica. As visitas, de aproximadamente unha hora de duración, asignaranse por orde de solicitude, ata cubrírense as prazas.

Máis información na páxina do programa: Visitas guiadas e talleres da exposición "Ssszzziúuu, a melodía das buxainas"