O alumnado da EIM Monte Alto , xunto coas súas familias, participou nunha iniciativa para decorar a árbore de Nadal do Aquarium Finisterrae .

A través desta actividade, nas últimas semanas estiveron elaborando (con teas, fíos, cartóns e pezas naturais) unha serie de elementos decorativos, vinculados á temática do mar, que estarán a adornar a árbore de Nadal do Aquarium durante este Nadal.

A proposta consiste en crear adornos coas mans e que estes sexan respectuosos co medio ambiente.

Visita ao Aquarium nos próximos días

Alumnos e alumnas da escola acudirán nos próximos días ao Aquarium, onde cantarán unha panxoliña adaptada para a ocasión. O encargado de poñer a música e a voz é Félix Álvarez, a partir dunha adaptación dunha panxoliña de José Luis Perales.