Titularidade: Consellería de Educación e Ordenación Universitaria

Niveis educativos:

• Segundo Ciclo de Educación Infantil (3-5 anos)
• Educación Primaria (6/12 anos)
• ESO

Actividades extraescolares:

Deporte no centro:

• Descrición: actividades físico-deportivas nas instalacións do propio centro e adaptadas ás posibilidades que ofreza a súa infraestrutura
• Persoas destinatarias: alumnado de segundo ciclo de educación infantil, educación primaria e educación secundaria obrigatoria
• Horario: dúas horas alternas á semana entre as 16:00 h e as 18:00 h do 1 ou 15 de outubro ao 15 de xuño
• Inscrición: na ANPA do centro
• Titularidade: FAPA e Servizo Municipal de Educación

Admisión de alumnado:

Necesítase un informe que demostre que ese/a neno/a necesita un centro específico. Os pais poden acudir directamente ao centro e alí serán informados de todo e mostraránselles as instalacións.

Datos de interese:

• Colexio de carácter mixto, para nenos/as (3-21 anos) xordos/as ou deficientes auditivos/as contando con 3 sectores de atención:
• Integración total
• Integración combinada
• Centro de Recursos de Educación Especial para as Patoloxías da Audición e a Linguaxe (CRE-PAL)
• Dispoñen tamén dun servizo de Atención Temperá para nenos/as de 0 a 5 anos
• É o único centro de Galicia que ten a ESO completa para nenos/as con deficiencias auditivas
• Ten ademais aloxamento na residencia do Burgo para os/as nenos/as que son de fóra da Coruña

Centro de Recursos de Educación Especial para as Patoloxías da Audición e a Linguaxe (CRE-PAL):

• Atención a alumnado desde os 0 anos con problemas de audición e/ou linguaxe, con expreso permiso da administración educativa, en réxime ambulatorio e en horario de 15:00 h a 20:00 h en sesións de media hora para aquel alumnado escolarizado en centros docentes da zona ou comarca
• Control audiométrico e control de rendemento dos audífonos por medio de campo libre
• Atención rehabilitadora de implantes cocleares
• Préstamo de bibliografía especializada a profesorado de zona ou comarca
• Información e mostra de aparellos e materiais específicos para a rehabilitación da linguaxe e audición a profesorado de zona e comarca
• Información e cesión a colexios da zona e comarca de programas informáticos especialmente indicados para esta rehabilitación logo do compromiso previo dunha avaliación de tipo trimestral dos rendementos e posibilidades da aplicación e posibles melloras dos programas achegados.