- Inicio
- Área Metropolitana da Coruña
Área Metropolitana da Coruña (AMAC)
Actualmente a área urbana que se enmarca na Área Metropolitana da Coruña (AMAC), do mesmo xeito que noutras áreas urbanas europeas, ten que facer fronte a diferentes retos que abarcan desde os cambios demográficos ata as consecuencias do estancamento económico en termos de creación de emprego, pasando polo impacto do cambio climático.
A Estratexia Metropolitana da Coruña xorde como un instrumento para actuar sobre novos obxectivos, resolver os problemas existentes e ofrecer propostas alternativas para conseguir unha área urbana mellor, tomando como base o traballo desenvolvido xa polos distintos concellos que a conforman.
Temos unha estratexia compartida e un obxectivo común.
Estamos ante unha vía de construción da área partindo da construción real de estratexias, clima, consensos e accións de carácter metropolitano, conxuntas e compartidas, e baseadas na articulación das políticas públicas municipais.
Esta aposta pola AMAC faise coa garantía de que a participación permitirá definir liñas de actuación prioritarias para abordar os retos económicos, ambientais, climáticos, sociais e demográficos aos que ten que facer fronte unha área metropolitana que pretende iniciar a súa andaina como tal.
A identificación de respostas eficaces a estes retos será crucial para lograr a sociedade intelixente, sustentable e integradora prevista na Estratexia Europa 2020.
Colabora enviando as túas ideas e propostas de actuación para o teu concello e/ou a Área Metropolitana da Coruña (AMAC).
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible