Nesta reunión inicial presentáronse as liñas de traballo que estaba a implementar o concello coruñés para a posta en marcha do seu programa EIDUS (Estratexia Integrada de Desenvolvemento Urbano Sustentable), unha estratexia da cidade a longo prazo fundamental para acceder ao financiamento da Unión Europea para entidades locais ata 2020.

Dada a súa importancia e ao constatar que existían puntos estratéxicos comúns, como as relativas á xestión da auga, a redución das emisións de carbono ou a potenciación do transporte, Ferreiro convocou a alcaldes pertencentes ao Consorcio das Mariñas para coordinar unha estratexia urbana común e compartir proxectos.

Desta primeira reunión e proposta xurdiron intereses compartidos, o que se traduciu en posteriores grupos de traballo específicos e máis reunións colaborativas para tratar de acadar ese proxecto estratéxico común.

Esta é a cronoloxía das Mesas de Alcaldes e Alcaldesa realizadas ata a data coas súas correspondentes actas:

• Acta do Encontro de alcaldes e alcaldesa do 7 de xaneiro de 2016.
• Acta do Encontro de alcaldes e alcaldesa do 21 de abril de 2016 (Encontro de Mariñán), que tivo unha especial relevancia porque se considera a materialización do que ata ese momento era o inicio dun proxecto a medio definir.
• Acta do Encontro de alcaldes e alcaldesa do 17 de outubro de 2016 .
• Posteriormente o 20 de outubro de 2016 asinouse a Declaración de María Pita, que se considera o seguinte paso importante no desenvolvemento do proxecto.
• Acta do Encontro de alcaldes e alcaldesa do 20 de decembro de 2016
• Acta do Encontro de alcaldes e alcaldesa do 21 de febreiro de 2017
• Acta do Encontro de alcaldes e alcaldesa do 26 de abril de 2017
• Á marxe destes encontros formais dos e a representante dos distintos consistorios, alcaldes da área (Coruña, Abegondo, Arteixo, Bergondo, Betanzos, Cambre, Carral, Culleredo e Oleiros) reuníronse no Pazo de Mariñán o 2 de marzo de 2018 co obxecto de acordar establecer unha fronte común na defensa de melloras para as infraestruturas viarias e na mobilidade sustentable. Como resultado do debatido nesa reunión redactouse unha nota conxunta para informar a cidadanía e os medios de comunicación das catro medidas principais acordadas.
• Acta do Encontro de alcaldes e alcaldesa do 20 de marzo de 2018
• Acta do Encontro de alcaldes e alcaldesa do 4 de maio de 2018 , a cuxa reunión acudiron como convidados dous representantes da Área Metropolitana de Barcelona (AMB), para achegar as experiencias da súa área como instrumento de gobernanza territorial.
• Acta do Encontro de alcaldes e alcaldesa do 4 de maio de 2018 , que tivo lugar ao finalizar a reunión da Mesa anterior.
• Tras a Mesa anterior realizada o 4 de maio, os alcaldes e alcaldesa reuníronse novamente o 29 de maio de 2018 e formularon alegacións ao Documento Base do Plan de Transporte Único de Galicia , solicitando ademais da creación Acordo de constitución da Autoridade Única de Transporte Metropolitano (AUT), que a dita AUT se integrase na estrutura da futura AMAC, así como requirirlle á Xunta a súa inclusión no Plan de Transporte Público de Galicia.