No ámbito local, o Concello da Coruña dispón dunha Axenda Dixital Local aliñada coas citadas formulacións, e unha distinción como Cidade da Ciencia e a Innovación (creada polo Ministerio de Ciencia e Innovación) concedida no 2012 e que foi renovada no 2016.

No proceso de renovación da distinción de Cidade da Ciencia e a Innovación para o 2019, por acordo do 21 de abril de 2016 da Mesa de Alcaldes e Alcaldesa da AMAC, o Concello da Coruña comprometeuse a promover e impulsar a redacción do "Libro branco da ciencia e a innovación da Coruña Metropolitana: Innova CM".

Dado que a Universidade da Coruña (UdC) estaba a desenvolver un Proxecto de Investigación sobre a Innovación nas súas diferentes vertentes, ambas as institucións decidiron unir esforzos na configuración dunha Estratexia Metropolitana de Innovación, para o que formalizaron un convenio de colaboración específico para desenvolver no 2018 para o desenvolvemento da análise do sistema metropolitano de innovación e definición da Estratexia Metropolitana de Innovación, InnovaCM, derivado do convenio marco establecido o 5 de decembro de 2017.

Con este convenio perséguese estudar o sistema local de innovación propio da área urbana da Coruña, e formular unha proposta participada e consensuada relacinada coa súa estratexia de desenvolvemento futuro.