Con esta consulta pública pretendemos recoller a opinión das persoas e entidades máis representativas e potencialmente afectadas pola constitución da Área Metropolitana da Coruña (AMAC).

O órgano do que parte esta consulta é a Mesa de Alcaldes e Alcaldesa da área metropolitana.

OBXECTIVOS DA CONSULTA

• Cumprir co establecido no artigo 133 da Lei 39/2015, do 1 de outubro, do procedemento administrativo común das administracións públicas.
• Posibilitar un espazo de recollida de opinións e achegas de todos os axentes implicados.
• Obter información para a futura norma da Área Metropolitana da Coruña (AMAC) e as súas políticas públicas.
• Coñecer de primeira man a realidade, as necesidades e as achegas da cidadanía da AMAC.

METODOLOXÍA

A participación é aberta a todal a cidadanía e ten un carácter consultivo, non representativo.

Para participar a través da web só tes que cubrir o formulario da consulta pública.

Para estruturar as achegas fixemos unha consulta de preguntas cerradas. Ao final do documento tamén tes a opción de facer a túa achega de maneira máis aberta.

No caso de que te queiras adherir ao proceso, e desta maneira mostrar o teu apoio á creación da Área Metropolitana da Coruña (AMAC), podes cubrir a carta de apoio ou adhesión á proposta para a súa creación, como figura na súa sección.

PERÍODO DA CONSULTA

Data de apertura da consulta: 20 de novembro de 2017

Data límite de presentación de achegas: 31 de decembro de 2017, incluído.