Si, hai dous bonos de desconto para as nosas persoas visitantes.

1. BONO TRES CASAS | "Paga dúas e leva tres"

Unha visita a cada museo, na data que ti elixas. Se vas visitar o Aquarium Finisterrae e outro centro, saca este bono e polo mesmo prezo poderás visitar as salas de exposicións dos tres Museos Científicos Coruñeses.

Débese adquirir na recepción da Casa das Ciencias, da Domus ou do Aquarium Finisterrae.

• Prezo: 12,36 €
• Período de validez: ilimitado, non caduca.

2. TARXETA 20 | Tarifa plana

Dá acceso ás salas de exposicións dos Museos Científicos Coruñeses cantas veces se desexe durante un ano. As persoas titulares da Tarxeta Vente tamén teñen prezo reducido nas sesións de cinema 3D e planetario dixital.

Á venda na recepción dos tres museos:

• Prezo: 20,60 €
• Prezo reducido: 10,30 € (menores de 16 e maiores de 65)
• É unha tarxeta persoal: para adquirila e usala, a persoa titular deberá mostrar o seu DNI ou pasaporte.
• Período de validez: un ano enteiro, dende a súa data de expedición.