4 de outubro de 2023
Estará dispoñible para que o goce toda a cidadanía desde o xoves 5 de outubro
O equipamento do planetario da Casa das Ciencias acaba de renovarse despois de catorce anos desde a súa última actualización, para presentar un novo sistema de proxección dixital que ofrece unha experiencia de inmersión moi superior á do sistema que substitúe, grazas á mellora na potencia dos ordenadores e as tecnoloxías de proxección. Desde agora o planetario conta con proxectores de tecnoloxía LED e o software Digistar 7, desenvolvido pola empresa americana Evans&Sutherland, o que proporcionará unha experiencia con maior resolución e imaxes máis reais para trasladarnos a outros planetas ou viaxar polo universo.
O planetario mantén ademais o seu emblemático proxector analóxico de estrelas Zeiss, que convivirá co novo sistema dixital e chegará a complementalo nalgunhas sesións.
Primeiras sesións
Nestes primeiros días de funcionamento a carteleira do planetario incluirá sesións en directo, nas que descubrir os recursos do novo sistema, e tamén a proxección dos programas Polaris, Llévame a la Luna e El cielo de Cloe. Nas sesións en directo, o persoal do planetario explícalle ao público os obxectos celestes que se poden ver na noite estrelada de cada época do ano, agora cun sistema que permite achegarse a eles como nunca ata agora na Casa das Ciencias.
Casa das Ciencias. Parque de Santa Margarita s/n. 15005 A Coruña
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10 h a 20 h, con último acceso ás 19 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible