Os Museos Científicos Coruñeses celebran o 6 de maio unha xornada de portas abertas nos seus tres centros, a Casa das Ciencias, a Domus e o Aquarium Finisterrae, con motivo do Día da Ciencia na Rúa.

Para visitar o Aquarium Finisterrae é imprescindible realizar unha reserva de entradas, que se poderá facer cun máximo de 3 días de antelación aquí. Para facilitar o acceso ás persoas maiores de 65 anos, estas poderán acceder sen reserva, acompañadas doutra persoa se o precisan.

A visita á Casa das Ciencias e á Domus será libre, sen reserva previa, e sempre que a capacidade non estea completa.

As persoas que queiran asistir a unha sesión de planetario na Casa das Ciencias deberán retirar invitacións, que se repartirán media hora antes de cada sesión na recepción do museo, entregando un máximo de 2 invitacións por persoa. Haberá estas sesións:

11.00 h Directo: planeteando (máis de 10 anos, castelán)

12.00 h «Polaris» (máis de 7 anos, galego)

13.00 h Directo: na procura da estrela Rosalía (máis de 10 anos, galego)

16.00 h Directo: ás voltas coa estrela Polar (máis de 10 anos, galego)

17.00 h «El cielo de Cloe» (de 4 a 6 anos, castelán)

18.00 h Directo: constelaciones zodiacales (máis de 10 anos, castelán)