O próximo 2 de decembro do 2024 e ata o 4 de xaneiro do 2025 abrimos as portas da Casa dos Xoguetes de Nadal da OMIC do Concello da Coruña.

Lugar:

Instalacións da Oficina Municipal de Información ás Persoas Consumidoras

Rúa Costa da Palloza, 8

15006 A Coruña

A Coruña

Datas:

O servizo desenvolverase do 02.12.2024 ao 04.01.2025.

A doazón de xoguetes será exclusivamente do 2 ao 31 de decembro e non se permitirá a doazón de xoguetes durante a primeira semana de xaneiro. Poderase limitar con anterioridade a doazón de xoguetes se durante a execución a tenda tivese un excedente de mercadorías que dificultasen o labor. En todo caso anunciarase oportunamente.

Horario:

O horario de apertura á cidadanía será o seguinte:

De luns a venres das 11.00 ás 18.00 h ininterrompidamente

Sábados das 11.00 ás 14.00 horas

Domingos e festivos pechado

Día 24 de decembro das 11.00 ás 14.00 h

Día 31 de decembro das 11.00 ás 14.00 h

Funcionamento:

O servizo pretende fomentar a economía circular a través da reutilización para fomentar o consumo consciente e a prevención de residuos.

O material para recoller deberá reunir boas condicións de hixiene e de estado.

Os xogos e xoguetes distribuiranse en varias categorías:

• Contos
• Xoguetes pequenos
• Xogos e xoguetes medianos
• Xogos de mesa grandes e disfraces
• Xoguetes grandes

O procedemento consiste na entrega de xoguetes mediante a entrega de cupóns. A cambio dos xoguetes doados entregaránselle á persoa usuaria cupóns, a cantidade dependerá do tipo de xoguete entregado:

• 1 cupón polos xoguetes pequenos
• 2 cupóns polos xoguetes medianos
• 3 cupóns por contos
• 7 cupóns por xoguetes tipo disfraces ou xogos de mesa
• 10 cupóns polos xoguetes grandes

Posteriormente a persoa usuaria poderá intercambiar estes cupóns polos xoguetes que máis lle gusten dos expostos nese momento na tenda.

Existirá un banco solidario de cupóns doados coa colaboración daquelas persoas que non os necesiten. Poderase limitar a entrega destes cupóns doados a 10 por persoa e entregaranse por rigorosa orde de solicitude.

O número de xoguetes para doar poderase limitar a 10 por persoa.

Características dos materiais doados:

Non se aceptarán aqueles xoguetes que non se atopen en perfectas condicións para poder gozar dunha segunda vida en mans doutros nenos e nenas.

Os xoguetes teñen que estar limpos e en bo estado. Non se aceptarán xoguetes sucios, rotos ou deteriorados, nin xoguetes bélicos, ou xoguetes que se venden como agasallo publicitario. Todos os xoguetes deben ter a marca CE, símbolo que certifica que cumpren a normativa europea de seguridade.

Actividades

Realizaranse talleres creativos e actividades lúdicas de dinamización os venres e sábados. Pódese consultar o seu contido e as horas e datas no documento adxunto.

As actividades e os talleres están destinados a nenas e nenos entre 4 e 10 anos, logo da inscrición previa nas propias instalacións 15 minutos antes da actividade ou taller.

CAMBIA DE AVENTURA. COMPARTE A TÚA ILUSIÓN