Persoas en situación de dependencia

• Atención domiciliaria sociosanitaria - SAD Urxente

  Conxunto de atencións domiciliarias con carácter temporal (dun a tres meses) , orientado principalmente ao apoio na recuperación dunha convalecencia ou a situacións de enfermidade terminal.

• Axudas económicas de apoio á mobilidade e taxis adaptados

  Axudas económicas individuais, persoais e intransferibles que se conceden a titulares dun taxi adaptado para o transporte de clientela con mobilidade reducida con discapacidade, cuxa finalidade é o mantemento e a compensación de gastos polos equipamentos adaptados ás persoas con discapacidade nos taxis.

• Bono-taxi

  Esta prestación ten por obxecto a concesión de axudas económicas individuais a persoas con discapacidade que, por estar gravemente afectadas na súa mobilidade, teñan problemas para utilizar os transportes públicos colectivos, co obxecto de proporcionarlles un servizo de desprazamentos en taxi.

• Información, orientación e asesoramento en materia de dependencia

  Información e asesoramento sobre os recursos e prestacións contemplados na Lei de Atención á Dependencia e Promoción da Autonomía Persoal e sobre os demais recursos e prestacións municipais orientados ás persoas maiores, discapacitadas ou con limitacións da súa autonomía persoal.

• Servizo de Axuda a Domicilio - SAD Dependencia

  Conxunto de atencións domiciliarias, dirixidas a persoas en situación de dependencia recoñecida, co fin de atender as necesidades básicas da vida diaria e incrementar a súa autonomía, posibilitando a permanencia no domicilio.

• Servizo de Axuda a Domicilio Básico

  Prestación dun conxunto de atencións domiciliarias con carácter personalizado, encamiñadas a reducir as limitacións para as actividades básicas da vida diaria e a socialización.

• Servizo de Comida a domicilio

  Servizo dunha comida diaria equilibrada no domicilio para persoas con limitacións, discapacidade ou con algún tipo de deterioración física ou psíquica que lles dificulte facer a compra e preparar a comida diariamente.

• Servizo de Teleasistencia Domiciliaria

  Dispositivo que lles permite ás persoas usuarias, ante calquera situación de emerxencia e con tan só apertar un botón, comunicarse coa central, atendida por persoal especializado, para dar resposta á crise presentada.

• Xestión de recursos e prestacións sociais en materia de dependencia

  Apoio técnico e administrativo para a tramitación do recoñecemento do grao de dependencia pola Xunta de Galicia.

resultados 9