Persoas con discapacidade

• Actividades de sensibilización cidadá en materia de discapacidade

  Accións de sensibilización cara ao colectivo de persoas con discapacidade, dirixidas a toda a cidadanía.

• Axudas económicas de apoio á mobilidade e taxis adaptados

  Axudas económicas individuais, persoais e intransferibles que se conceden a titulares dun taxi adaptado para o transporte de clientela con mobilidade reducida con discapacidade, cuxa finalidade é o mantemento e a compensación de gastos polos equipamentos adaptados ás persoas con discapacidade nos taxis.

• Bono-taxi

  Esta prestación ten por obxecto a concesión de axudas económicas individuais a persoas con discapacidade que, por estar gravemente afectadas na súa mobilidade, teñan problemas para utilizar os transportes públicos colectivos, co obxecto de proporcionarlles un servizo de desprazamentos en taxi.

• Información, orientación e asesoramento en materia de dependencia

  Información e asesoramento sobre os recursos e prestacións contemplados na Lei de Atención á Dependencia e Promoción da Autonomía Persoal e sobre os demais recursos e prestacións municipais orientados ás persoas maiores, discapacitadas ou con limitacións da súa autonomía persoal.

• Servizo de Axuda a Domicilio Básico

  Prestación dun conxunto de atencións domiciliarias con carácter personalizado, encamiñadas a reducir as limitacións para as actividades básicas da vida diaria e a socialización.

• Servizo de Comida a domicilio

  Servizo dunha comida diaria equilibrada no domicilio para persoas con limitacións, discapacidade ou con algún tipo de deterioración física ou psíquica que lles dificulte facer a compra e preparar a comida diariamente.

• Servizo de Teleasistencia Domiciliaria

  Dispositivo que lles permite ás persoas usuarias, ante calquera situación de emerxencia e con tan só apertar un botón, comunicarse coa central, atendida por persoal especializado, para dar resposta á crise presentada.

• Talón Restaurante Municipal

  Mediante o programa Talón Restaurante Municipal, proporciónanse menús equilibrados naqueles establecementos hostaleiros que participan no programa.

  Así, as persoas beneficiarias, obteñen un talonario mensual de entre 10 e 25 bonos, cun valor de 4,44 € ou de 6 € cada talón, aboando en metálico a cantidade restante para completar o prezo do menú.

• Xestión de recursos e prestacións sociais en materia de dependencia

  Apoio técnico e administrativo para a tramitación do recoñecemento do grao de dependencia pola Xunta de Galicia.

resultados 9