Persoas en risco de exclusión social ou con factores de risco

• Actividades de prevención e sensibilización cidadá en materia de drogodependencia

  Conxunto de actividades informativas e preventivas sobre as adiccións e que se traballan no ámbito familiar, escolar e comunitario.

• Atención, apoio e seguimento de persoas en risco de exclusión social

  Prestación -cofinanciada polo Fondo Social Europeo, enmarcada dentro do Programa Operativo do FSE Galicia 2014-2020, situada no eixo prioritario 2, no seu obxectivo 9 "Promover a inclusión social e loitar contra a pobreza e calquera forma de discriminación"- a través da cal e con outras accións, establécese un proceso de axuda profesional continuada no tratamento das dificultades e conflitos que se presentan en cada usuario.

  Acordarase coa persoa un plan de actuación que permita superar as dificultades e carencias graves que estan presentes na súa vida, e que a levan a unha situación de exclusión social ou de risco con consecuencias graves no seu mantemento e desenvolvemento de vida.

• Atención, apoio e seguimento para persoas en risco de exclusión social

  Ofrécese a primeira atención á cidadanía que demanda información social -de carácter xeral ou específico- sobre recursos e prestacións de servizos sociais e/ou de protección social. Esta atención iníciase cunha consulta nas Unidades Municipais de Atención social, que será atendida polo persoal auxiliar ou polas traballadoras sociais da unidade.

• Atención, orientación,seguimento e intervención con familias en situación de chabolismo ou infravivenda

  Información, seguimento e intervención con familias que viven en asentamentos chabolistas da Coruña.

• Axudas económicas de emerxencia social de Xunta de Galicia ( RISGA) - Pago único

  Axudas económicas de pago único, destinadas a cubrir necesidades básicas e urxentes en situacións persoais ou familiares de emerxencia social.

• Axudas económicas de emerxencia social municipal

  Axudar a persoas e familias en situación de necesidade económica grave e urxente, proporcionándolles unha prestación, non periódica, de carácter económico que lles permita facer fronte a gastos ordinarios ou extraordinarios.

• Convenios nominativos con entidades para a realización de actividades de interese social

  Os convenios nominativos financian a promoción de toda clase de actividades e a prestación de cantos servizos públicos contribúan a satisfacer as necesidades e aspiracións da comunidade veciñal.

• Convocatoria pública de subvencións a entidades para a realización de proxectos de cooperación internacional de interese social ou humanitario

  O obxecto das subvencións é a realización de actividades de cooperación internacional para a realización de actividades de cooperación ou que persigan un interese social ou humanitario no exterior.

• Convocatoria pública de subvencións a entidades para colaborar na realización de actividades e prestacións de servizos sociais

  O obxecto das subvencións é a realización de actividades de promoción e reinserción social e na prestación de servizos sociais no termo municipal da Coruña.

• Intervención socioeducativa en asentamentos chabolistas

  Información e intervención para a erradicación do chabolismo e realoxamento das familias que viven en asentamentos chabolistas da Coruña.

resultados 15