As presentes instrucións, ditadas polo Servizo Municipal de Educación (SME en diante) teñen por obxecto regular o proceso de admisión nas escolas infantís integradas na Rede de Escolas Infantís Municipais (REIM, en diante) do Concello da Coruña para o curso 2024-2025.
A adxudicación de prazas está sometida aos criterios de baremación sinalados nas bases reguladoras do proceso de admisión nas escolas infantís integradas na REIM para o curso 2024-2025 (BOP núm. 61 do 26.03.2024).
PROCESO DE ADMISIÓN
Este documento inclúe toda a información relativa ao proceso de admisión na REIM para o curso 2024-2025: Bases reguladoras do proceso de admisión nas escolas infantís integradas na rede de escolas infantís municipais (REIM) para o curso 2024-2025
PRAZAS VACANTES
Finalizou a reserva de praza e agora publícase a relación de prazas vacantes para o curso 2024-2025.
AULAS (ANO DE NACEMENTO) | A CARACOLA | AGRA DO ORZÁN | ARELA | CARRICANTA | OS ROSALES | LUÍS SEOANE | MONTE ALTO | OS CATIVOS | TOTAL |
---|---|---|---|---|---|---|---|---|---|
Aulas 0-1 (2024) | 16 | 16 | 16 | 16 | 24 | 10 | 0 | 16 | 114 |
Aulas 1-2 (2023) | 10 | 10 | 23 | 22 | 15 | 11 | 12 | 11 | 114 |
Aulas 2-3 (2022) | 14 | 14 | 21 | 20 | 22 | 0 | 1 | 16 | 108 |
Total: 336
NOTA IMPORTANTE: debido a obras nas instalacións da EIM Montealto, durante o curso escolar 2024-2025 estará situada nas instalacións da EIM Luís Seoane, r/ Vixía, s/n (Monte Alto)
NOVOS INGRESOS
PROCESO DE ADMISIÓN PARA OS NOVOS INGRESOS
Establécense dúas modalidades:
Carácter PREFERENTE:
Tendrán carácter preferente, sen que sexan obxecto da baremación sinalada no apartado IV, as solicitudes de prazas cuxas circunstancias sexan as seguintes:
As correspondentes aos fillos ou fillas do persoal que presta servizos na escola, de conformidade co sinalado no convenio laboral de aplicación. O convenio actual recolle este dereito como mellora social. A empresa xestora deberá asumir, por tanto, o custo destas prazas, de conformidade co artigo 72 do devandito convenio (BOP núm. 178 do 26.07.2019). O importe seralle descontado á empresa nos abonos mensuais, neste caso exceptúase o requisito do padrón.
As de nenos e nenas que conten cun irmán ou cunha irmá escolarizado/a para o curso 2023-2024 nunha escola da REIM para os efectos de matricularse nela por primeira vez.
As consideradas de urxencia social. Enténdese por prazas de urxencia social aquelas que se atopan nas seguintes situacións:
DOCUMENTACIÓN:
Todas estas situacións enumeradas deberán acreditarse documentalmente para xustificar o carácter preferente:
No caso de alumnado con necesidades educativas especiais, deberá acreditarse a concorrencia desta circunstancia.
Carácter ORDINARIO
As solicitudes de novo ingreso que non teñan carácter preferente serán obxecto de baremación para a asignación de prazas.
REQUISITOS DE ACCESO PARA O PROCESO DE ADMISIÓN DE NOVO INGRESO
Serán requisitos para solicitar praza na REIM:
CRITERIOS DE BAREMACIÓN PARA AS SOLICITUDES DE NOVO INGRESO DE CARÁCTER ORDINARIO
A baremación para acceder ás escolas realizarase segundo criterios económicos, sociofamiliares e sociolaborais.
b) Situación sociofamiliar. Puntuarase:
Irmás/áns solicitando praza simultaneamente |
4 puntos |
Menor solicitante cunha discapacidade igual ou superior ao 33% |
3 puntos |
Por cada proxenitor/a que forme parte da unidade familiar cunha discapacidade igual ou superior ao 33% |
1 punto (máximo 2) |
Condición de familia monoparental |
2 puntos |
Condición de familia numerosa |
2 puntos |
Enténdese por familia monoparental a unidade familiar formada por unha única persoa proxenitora que non conviva con outra persoa coa que manteña unha relación análoga á conxugal, e os fillos ou fillas menores ao seu cargo nos supostos recollidos no artigo 13 da Lei 3/2011, de apoio á familia e á convivencia de Galicia.
Enténdese por familia numerosa a integrada polos membros sinalados de conformidade cos artigos 2 e 4 da Lei 40/2003, do 18 de novembro, de protección ás familias numerosas.
c) Situación sociolaboral. Puntuarase da seguinte maneira:
Situación sociolaboral |
Puntuación |
Ocupación laboral das persoas proxenitoras ou con impedimento acreditado para atender a/o nena/o |
8 |
Ocupación laboral dunha das persoas proxenitoras ou con impedimento acreditado para atender a/o nena/o |
4 |
Condición de familia monoparental traballando ou con impedimento acreditado para atender a/o nena/o |
8 |
Empate na puntuación
En caso de empate entre varias solicitudes resolverase o desempate priorizando aquelas persoas solicitantes que conten con menores ingresos de renda. Se persiste o empate, resolverase tendo en conta o resultado do sorteo público que se realizará no Servizo Municipal de Educación antes do inicio do período de solicitude de praza. O resultado das letras publicarase na web www.coruna.gal/educacion
LUGAR DE PRESENTACIÓN E DOCUMENTACIÓN:
As persoas interesadas deben facer unha inscrición en liña na web municipal www.coruna.gal/educacion a través da ficha específica "Solicitude de praza na escola infantil 2023-2024". Unha vez feita e cuberta a ficha, o sistema elabora un xustificante (documento PDF) que achegará ao correo electrónico facilitado no momento de ter feito a solicitude. Este documento deberase imprimir, asinar e presentar no rexistro xeral xunto co resto da documentación no prazo de presentación das solicitudes. Non se considerará efectuada a solicitude mentres non se presente no rexistro municipal (de forma presencial ou telemática).
O xustificante ten un número de identificación (ID) que será o de referencia de cada expediente no proceso e para localizar as persoas solicitantes nas listaxes publicadas.
LUGAR DE PRESENTACIÓN DA DOCUMENTACIÓN
A documentación e a ficha de solicitude asinada polas dúas persoas proxenitoras deberá presentarse, preferiblemente, no rexistro electrónico do Concello (https://sede.coruna.gob.es), nos rexistros municipais ou por calquera outro medio permitido pola Lei de procedemento administrativo.
As persoas interesadas deben facer unha inscrición en liña na web municipal www.coruna.gal/educacion a través da ficha específica "Solicitude de praza na escola infantil 2023-2024". Unha vez feita e cuberta a ficha, o sistema elabora un xustificante (documento PDF) que achegará ao correo electrónico facilitado no momento de ter feito a solicitude. Este documento deberase imprimir, asinar e presentar no rexistro xeral xunto co resto da documentación no prazo de presentación das solicitudes. Non se considerará efectuada a solicitude mentres non se presente no rexistro municipal (de forma presencial ou telemática).
DOCUMENTACIÓN
Para as solicitudes de novo ingreso con carácter preferente e con carácter común, as persoas interesadas deberán achegar coa solicitude a seguinte documentación:
A falta de presentación dalgún dos documentos dentro do prazo de presentación da solicitude e emenda supoñerá a exclusión do proceso.
Outra documentación para os efectos de valoración:
A falta de presentación dalgún dos documentos recollidos neste apartado dentro do prazo de presentación da solicitude e emenda supoñerá a non valoración no apartado correspondente.
CALENDARIO DO PROCESO DE ADMISIÓN NA REIM (CURSO 2024-2025)
RESERVA DE PRAZA | Do 26 de febreiro ao 1 de marzo |
SOLICITUDE DE NOVOS INGRESOS | Do 27 de marzo ao 11 de abril |
PUBLICACIÓN DAS LISTAS DE PERSOAS ADMITIDAS/NON ADMITIDAS | 26 de abril |
EMENDA DE DOCUMENTACIÓN | Do 29 de abril ao 13 de maio |
PUBLICACIÓN DAS LISTAS PROVISIONAIS | 28 de maio |
RECLAMACIÓNS/ALEGACIÓNS | Do 29 de maio ao 11 de xuño |
LISTAXES DEFINITIVAS | 14 de xuño |
MATRÍCULA |
Do 17 ao 21 de xuño |
INICIO DO CURSO |
6 de setembro |
As solicitudes que resulten adxudicatarias de praza poderán formalizar a matrícula logo da cita previa fixada pola escola correspondente.
XORNADAS DE PORTAS ABERTAS
Consulta a dispoñibilidade das escolas infantís municipais para visitar as súas instalacións:
ESCOLA | DÍA | HORA | CONTACTO |
---|---|---|---|
CARACOLA | 2, 4 e 9 de abril, concertando a cita previa | Ás 16.00 ou 17.00 h | 881 895 176 |
CARRICANTA | 9 de abril, concertando a cita previa | Ás 17.30 h | 981 170 306 |
MONTE ALTO | Lunsey martes, concertando a cita previa | Ás 17.00 ou 18.00 h | 981 201 223 |
LUÍS SEOANE | Venres, concertando a cita previa | Ás 16.00 ou 17.00 h | 981 211 838 |
OS ROSALES |
9/04/2024 (para bebés) 10/04/2024 (aulas de 1 e 2 anos) Mércores 19 de xuño |
Ás 15.30 h | 881 896 413 |
ARELA | Calquera día, sen cita previa | Das 10.00 ás 12.00 h | 981 237 717 |
OS CATIVOS | Martes 9 | Ás 16.30 h | 981 296 995 |
INSCRICIÓN EN LIÑA
A ficha de solicitude en liña estará dispoñible nesta ligazón.
Documentos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible