INFORMACIÓN XERAL

Operación: Dotación de infraestruturas e equipamentos para a mellora dos espazos públicos da contorna de polígonos industriais (LA5)

Obxectivo temático: Preservación e protección do medio ambiente e fomento da eficiencia dos recursos (OT6)

Orzamento: 791.900 €

Financiamento FEDER: 80% de 960.000€ (o importe restante é achega municipal)

Estado: Terminada

Prazo execución: 12 meses

Contratista: Canarga S.L.

DESCRICIÓN

Este proxecto consiste nunha serie de actuacións ambientais no polígono da Grela, concretamente na rúa Severo Ochoa, que abarca o tramo comprendido entre a rúa Galileo Galilei e a glorieta de rúa Newton. O ámbito de actuación das obras comprende unha superficie de 14.696m², que permitirá a mellora ambiental e social da zona, a través da reurbanización e humanización da rúa.

O obxectivo das actuacións é a dotación de infraestruturas e equipamentos para poñer en valor o espazo público na rúa Severo Ochoa, centrándose nos seguintes aspectos:

• Potenciación do espazo destinado a zonas verdes seleccionando as especies adecuadas á contorna, segundo a súa densidade de sombra, idoneidade de aliñación, esixencia hídrica, tolerancia a contaminantes, lonxevidade e baixa esixencia de mantemento; co fin de obter unha continuidade verde coa cidade, así como unha redución da temperatura ambiental e a consecuente retención dos contaminantes en suspensión.
• Aproveitamento hídrico da contorna urbanizada mediante o emprego dun Sistema Urbano de Drenaxe Sustentable (SUDS), incluíndo pavimentos filtrantes, evitando a impermeabilización do chan e conducindo a auga en celas ata a conexión cun punto do sistema de drenaxe convencional. Nese percorrido producirase a filtración dos sólidos contaminantes.
• Mellora da calidade do aire, cos elementos antes mencionados de arboledo e filtración de auga de choiva, potenciando os modos brandos de transporte e reordenando as áreas de aparcadoiro.
• Redución da contaminación acústica, que será consecuencia da potenciación dos modos brandos de transporte e a creación de zonas arborizadas.
• Prioridade á integración social mediante a humanización e naturalización de distintas vías con itinerarios accesibles.

LIGAZÓNS DE INTERESE

Solicitude Edi

Contratación

Proxecto técnico

Vídeo proxecto 3D

Cuña de radio