INFORMACIÓN XERAL

Operación: Recuperación, mellora e posta en valor de espazos naturais de interese local (A2)

Obxectivo temático: Preservación e protección do medio ambiente e fomento da eficiencia dos recursos (OT6)

Orzamento: 43.345,00 €

Financiamento FEDER: 80 %

Estado: Terminada

Prazo execución: 2 meses

Contratista: Groma Obras, S.L.

DESCRICIÓN

O obxectivo da construción deste observatorio nas abas do monte de San Pedro é o de achegar as aves, o seu territorio, ecoloxía e desenvolvemento á poboación en xeral. Este observatorio estará aberto á cidadanía que desexe achegarse para observar as aves e a contorna. Esta actuación vai acompañada dun panel interpretativo, onde se facilita información sobre as aves e a ecoloxía do territorio. Para iso é conveniente unha correcta sinalización do espazo, con recomendacións de uso para os posibles visitantes que accedan desde o mar no continente (porto do Portiño), con información (paneis interpretativos) sobre os seus valores. O observatorio sitúase a media ladeira xunto ao pequeno aparcadoiro que se asoma á Illa de Aguión, antes de chegar á glorieta do paseo marítimo, e entre o viario de automóbiles (Avenida Fernando Suárez García) e o peonil. Esta zona xa se utiliza tradicionalmente por quen observa a biodiversidade das Illas, así como xente do mar (mergulladores, pescadores etc) para coñecer cada xornada o estado da mar.

As obras consisten na adecuación da parcela para a instalación da caseta de madeira previamente construída en taller. Isto inclúe:

• A realización da cimentación correspondente.
• A instalación da caseta previamente elaborada en taller, de dimensións 12 x 6 m, que equivalen a 72 m2 en planta. O espazo distribúese nun almacén, unha sala de observación e unha aula de traballo.
• A instalación de cartelería e sinalética informativa, con dita información tamén en linguaxe braille, incluíndo códigos QR de ligazón web para ampliación da información, pictogramas e utilizando linguaxe inclusiva.
• A adecuación da parcela, construcción de rampla accesible e adecuación de accesos.

LIGAZÓNS DE INTERESE

Solicitude Edi

Contratación

Proxecto técnico

Vídeo contorna en Instagram