INFORMACIÓN XERAL

Operación: desenvolvemento e mellora de ferramentas TIC para optimizar a mobilidade e a información sobre desprazamentos (LA9)

Obxectivo temático: mellorar o acceso, o uso e a calidade das tecnoloxías da información e a comunicación (OT2)

Orzamento: 162.140 €

Financiamento FEDER: 80%

Estado: terminada

Prazo de execución: 12 meses

Contratista: Telefónica Soluciones de Informática y Comunicaciones de España, S.A.U.

DESCRICIÓN

O obxectivo deste proxecto é integrar nunha única aplicación multiplataforma (portal de mobilidade) o acceso a toda a información relacionada coa mobilidade urbana que actualmente se atopa dispersa en distintas ferramentas e aplicacións, así como o desenvolvemento de novos servizos dixitais sobre a información integrada.

A aplicación constará de tres grandes bloques: visualización e consulta de información; planificador de viaxes; e cadro de mandos de mobilidade.

Implantarase un observatorio da mobilidade a través de ferramentas TIC para lle facilitar a mobilidade urbana a toda a cidadanía, con información en tempo real. Por exemplo, poderán ser prazas de aparcamento dispoñibles en aparcadoiros subterráneos de titularidade municipal, prazas de aparcamento para persoas de mobilidade reducida, carrís bici, estacións de préstamo de bicicletas, sinais semafóricos acústicos, información sobre itinerarios, liñas e frecuencia de autobuses do transporte público urbano de viaxeiros, paradas de taxi, zonas de carga e descarga etc...

Toda esta información facilitarase en tempo real para que as persoas destinatarias poidan coñecer as posibilidades en cada momento do seu uso e dispoñibilidade, en diferentes idiomas e formatos, compatible con aplicativos para teléfonos móbiles. Tamén se creará un cadro de mandos de mobilidade que aglutine toda a información agregada. Por último, idearanse solucións innovadoras TIC para facilitar a mobilidade das persoas maiores ou persoas de mobilidade reducida, como colectivo máis vulnerable nesta temática concreta, e tamén dirixida a ciclistas como persoas usuarias dun transporte sostible e eficiente.

LIGAZÓNS DE INTERESE

Solicitude Edi

Contratación

Proxecto técnico