INFORMACIÓN XERAL

Operación: Promoción da mobilidade a pé (LA11)

Obxectivo temático: Favorecer o paso a unha economía con baixo nivel de emisión de carbono (OT4)

Orzamento: 249.350 €

Financiamento FEDER: 80 %

Estado: Terminada

Prazo execución: 4 meses

Contratista: Manuel Rivas Boquete S.L.

DESCRICIÓN

O proxecto consiste en mellorar a rúa Cortaduría mediante a súa reurbanización superficial completa, incluíndo a reparación dos pavimentos existentes e a substitución, renovación e/ou incorporación de novos servizos urbanísticos.

Inicialmente procederase á retirada do mobiliario urbano que poida afectar á execución da obra (sinalización vertical, papeleiras etc). As pezas cuxo estado de conservación sexa aceptable ou conten con partes que poidan servir como reposto para outros elementos situados na cidade serán retiradas e almacenaranse para o seu uso posterior. O resto serán debidamente xestionados como residuos. De forma xeral, o proceso das obras será o seguinte:

• Detección da totalidade de servizos afectados e accións de seguridade necesarias sobre todos eles.
• Reformulo e toma de datos sobre os pavimentos existentes.
• Levantamento de laxas de pedras para a súa posterior reutilización e recolocación.
• Demolición de firme de callao, bases de formigón e sumidoiros existentes.
• Apertura de gabias para a substitución e/ou colocación de novos servizos urbanísticos.
• Execución de novas instalacións, con conexión aos servizos existentes.
• Pavimentación xeral da rúa con reutilización de laxas de pedra e formación de bandas de laxas de pedra, reproducindo o estado actual segundo a documentación gráfica.
• Instalación de mobiliario e sinalización vertical.

LIGAZÓNS DE INTERESE

Solicitude Edi

Contratación

Proxecto técnico