Por iso e como paso previo á selección da operación, a UG debe realizar unha serie de comprobacións. Por iso, unha vez asignada unha operación determinada á súa correspondente LA, contrastarase a súa adecuación aos Criterios e Procedementos de Selección de Operacións (CPSO) por medio dunha lista de comprobación, a lista S1, para garantir que a operación cumpre requisitos.

A lista de comprobación S1 serve:

• por unha banda, de guía para facer todas as comprobacións debidas
• por outro, como certificación de que cada aspecto foi validado de forma previa á selección da operación

Ademais desta, existen outras listas de comprobación cuxa misión é a de garantir que a entidade local realizou unha comprobación previa da adecuación e regularidade dos investimentos e gastos realizados, así como da súa adecuación á normativa nacional e comunitaria aplicables, incluída a relativa aos procedementos de contratación do sector público.