Uso de cookies nas páxinas web do Concello da Coruña

Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso

EidusCoruña

Publicacións

Ademais do contido máis técnico que che ofrecen os documentos técnicos seleccionados, que servirán de base para preparar e elaborar determinadas estratexias e proxectos, convén dedicar un tempo a outro tipo de lecturas que ofrecen unha visión máis ampla dun modelo urbano ou de cidade diferente ao que estamos afeitos.

Esta lecturas son reflexións, ensaios, orientacións, recomendacións... que pretenden permitirnos valorar sobre como é a cidade na que vivimos, e expornos como debería ser a cidade que en realidade queremos.

23 resultados

  • 10 cidades exemplo de Cidades do Mañá

    Good policies and practices to tackle urban challenges (abril 2011). Este estudo sintetiza dez estudos de casos completados no marco dun proceso de reflexión sobre 'Cities of Tomorrow', organizado e xestionado pola DG Regio, cuxo obxectivo principal foi destacar os principais desafíos para as cidades europeas durante a década seguinte, e identificar obxectivos, instrumentos e métodos que se poden implementar ao abordalos. Participaron aproximadamente 20 expertos sobre desenvolvemento urbano representando diferentes cidades europeas e diferentes sectores.

  • A dimensión urbana das políticas da UE para unha Axenda Urbana

    Nesta comunicación preséntase a situación actual da UE en materia urbana, a situación actual da política urbana en Europa, os chamamentos para que se adopte unha axenda urbana para a UE, a dimensión mundial do desenvolvemento urbano, e as posibles vías futuras.

  • A europeización urbana a través da política de cohesión

    A análise de cuestións como a europeización urbana e a gobernanza urbana mostra como as cidades se foron convertendo en actores de nova centralidade política no marco da gobernanza europea, así como a evolución da acción pública urbana cara a novas formas de gobernanza.

  • A miña rexión, a miña Europa, o noso futuro: 7º informe sobre a cohesión económica, social e territorial

    O presente informe informa sobre como evolucionou a cohesión nas rexións da UE no pasado recente, e avalía o impacto que tiveron sobre ela as políticas nacionais, a política de cohesión e outras políticas da UE segundo o disposto no Tratado de Funcionamento da Unión Europea. Así mesmo, revisa as medidas que vinculan a eficacia dos Fondos EIE a unha boa gobernanza económica.

  • A Nova Carta de Leipzig. Unha ocasión para repensar a política urbana da Unión Europea. Achegas desde o Eixo Atlántico do Noroeste Peninsular

    Eixo Atlántico , 2020. A Carta de Leipzig sobre cidades europeas sustentables (Leipzig, 2007) culminouse coa aprobación da Axenda Urbana para a UE. Esta carta é o primeiro documento sólido para delinear unha política urbana moderna e vai ser revisada a partir de xullo de 2020. Este documento do Eixo é un punto de partida para definir o que debe ser un novo modelo de colaboración entre administracións, baseado na corresponsabilidade e na distribución clara de competencias, respectando o papel das ci­udades, desenvolvendo unha política urbana con maior base territorial.

  • ABC da Innovación. Guía para a incorporación da innovación na xestión urbana

    Documento elaborado no marco das actividades da Rede Impulso para servir de referencia aos municipios interesados en explorar as posibilidades de utilizar a innovación na mellora da xestión urbana. A motivación final de todo iso é aliñar a realidade municipal ás novas tendencias de impulso da innovación a escala local.

  • Avaliación da contribución da Iniciativa Urbana 2007-2013 á inclusión social e á igualdade de oportunidades. Informe final. Setembro 2020

    O obxectivo do programa Iniciativa Urbana 2007-2013, cofinanciada por FEDER, era a rexeneración de zonas urbanas deprimidas mediante o financiamento de estratexias que contemplasen de maneira integrada aspectos sociais, económicos e ambientais. O Programa financiou 46 estratexias, unha delas a estratexia URBANA C do Concello da Coruña, que se centrou no barrio do Agra do Orzán. Os proxectos realizados interviñeron sobre infraestruturas e outros elementos materiais do espazo urbano do barrio (o seu espazo físico), a dotación de equipamentos públicos, a oferta de actividades e servizos nos mesmos, as dinámicas sociais que se desenvolven no territorio (o seu espazo sociocultural) e a actividade económica na zona (o seu espazo económico). Unha vez finalizada, a avaliación desta Iniciativa permitiu comprender mellor como contribuíron os proxectos financiados á inclusión social e á igualdade de oportunidades das mulleres e doutros colectivos nos ámbitos económico, laboral, educativo, dixital, da saúde, residencial, relacional e da participación social.

  • Avaliación da selección das estratexias DUSI. Informe final. Febreiro 2018

    A presente avaliación da selección das estratexias DUSI circunscríbese á 1ª convocatoria das 3 que se levaron a cabo no período 2014-2020 e oriéntase a examinar e avaliar o proceso e sistema de admisión, e analizar e avaliar o proceso de selección. Sobre a base da análise realizada, preséntanse as fortalezas e debilidades achadas nesta 1ª convocatoria, a partir das cales se darán as recomendacións que poderían ser de utilidade no futuro. Inclúense ademais outros aspectos de interese enfocados á concienciación da importancia de enfocar as estratexias DUSI desde unha perspectiva estratéxica e integrada, atendendo á nova concepción das cidades.

  • Avaliación da selección das estratexias DUSI. Resumo do informe final. Febreiro 2018

    Preséntanse de forma esquemática os datos relativos á 1ª convocatoria da estratexias DUSI. Presentáronse 269 solicitudes pero 5 estaban repetidas, polo que o número final das que pasaron á fase de admisión foi de 264. Posteriormente 21 non foron admitidas por incumprimento dalgúns criterios, e polo tanto pasaron á fase de avaliación 243 estratexias DUSI. Destas, 32 non obtiveron a puntuación mínima necesaria (50 puntos) e outras 128 non puideron ser seleccionadas por falta de orzamento. Como resultado final, seleccionáronse 83 estratexias DUSI para obter axuda, que constitúen o 31,4% das estratexias presentadas, excluídas as repetidas.

  • Avaliación de obxectivos/Resultados do POPE 2019. Outubro 2019

    O obxectivo deste documento é analizar o avance do Programa Operativo Plurirrexional de España para dar resposta á obriga recollida nos artigos 50 e 111 do Regulamento (UE) núm. 1303/2013 (RDC) e valorar os resultados acadados, así como o cumprimento do Marco de Rendemento (MR). Esta avaliación está programada no Plan de Avaliación Específico do POPE.

resultados 23

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

?

Iniciar sesión