INFORMACIÓN XERAL

Operación: desenvolvemento de ferramenta TIC para participación e sensibilización da cidadanía en asuntos transcendentes da cidade, transparencia e administración electrónica (LA21)

Obxectivo temático: mellorar o acceso, o uso e a calidade das tecnoloxías da información e a comunicación (OT2)

Orzamento: 160.414,80 €

Financiamento FEDER: 80%

Estado: terminada

Prazo de execución: 18 meses

Contratista: Imatia Innovation SL

DESCRICIÓN

Para mellorar os servizos de información á cidadanía preténdese profundar no desenvolvemento de novos servizos, mellorar os existentes e integralos en distintas plataformas, entre as que destacan os dispositivos móbiles.

Con esta actuación desenvólvese o concepto de visión integral da cidadanía, cidadanía 360, que ofrecerá servizos personalizados segmentando a información en base ao seu perfil, preferencias, xeolocalización etc. Todo iso contribúe a mellorar a experiencia das persoas usuarias na súa relación coa Administración local e os servizos da cidade.

En termos xerais, os obxectivos que se queren alcanzar son os seguintes:

• Portelo único para cidadanía e visitantes: os novos servizos deberán permitir unificar a atención, información e interacción coa cidadanía de maneira centralizada e permitirlle á persoa usuaria utilizar unha identidade única para todos os servizos da cidade, sen necesidade de facilitar a mesma información en varias ocasións.
• Segmentación: definiranse diversos perfís que permitan destacar os servizos e a información que teñan maior probabilidade de ser de interese a cada grupo de persoas usuarias.
• Personalización: deberase deseñar e implementar unha solución que lle permita á cidadanía ou visitantes a posibilidade de configurar o acceso a aqueles servizos que lles sexan de interese, a partir dos dispoñibles, así como as interaccións con estes.
• Modularidade: débese implementar unha solución modular que incorpore funcionalidades paulatinamente a medida que estas estean dispoñibles. Ademais a dita modularidade deberá ter en conta que as novas funcionalidades puidesen estar desenvolvidas en diferentes tecnoloxías e por diversos integradores.
• Interoperabilidade: a aplicación e as súas contornas de xestión deberanse integrar co resto de sistemas municipais.

LIGAZÓNS DE INTERESE

Solicitude Edi

Contratación

Proxecto técnico