INFORMACIÓN XERAL

Operación: Restauración de lugares de interese turístico, cultural e ambiental dos barrios da cidade (LA3)

Obxectivo temático: Preservación e protección do medio ambiente e fomento da eficiencia dos recursos (OT6)

Orzamento: 195.681,92 €

Financiamento FEDER: 80 %

Estado: Terminada

Prazo execución: 6 meses

Contratista: Xardinería Arce

DESCRICIÓN

O parque urbano "Bosque de Breogán" crearase entre a urbanización Breogán e o cemiterio de Feáns. A actuación afectaralle a unha superficie de máis de 27.100 metros cadrados, divididos en dúas zonas: unha de 14.600 e outra de 12.500 metros cadrados.

Prevese a creación de zonas para pasear, zonas de prados e observación, contornas boscosas e mesmo a dotación de equipamentos deportivos nalgún punto. Os carreiros sumarán en total case un quilómetro de percorrido, concretamente contémplase a creación de 912 metros de novos camiños, con pavimentos adecuados á contorna. Ademais, no acceso norte crearase unha plataforma de madeira que facilite o acceso ao novo bosque. O novo espazo contará cun maior número de árbores, xa que se expón repoboalo con varias especies como freixos, pradairo, bidueiros, acivros, cerdeiras, carballos, castiñeiros e faias.

Antes de crear os camiños, dotar de equipamentos e da repoboación, realizaranse traballos previos de adecuación, como o rozado e o coidado das especies vexetais actuais e a eliminación das especies invasoras, así como restos de madeira e podas de campañas anteriores. Eliminaranse tamén dous pequenos depósitos de auga, que actualmente están cubertos pola maleza.

INFORMACIÓN DE INTERESE

Solicitude Edi

Contratación

Proxecto técnico