INFORMACIÓN XERAL

Operación: creación e posta en marcha de hortos urbanos polos distritos da cidade (LA4)

Obxectivo temático: preservación e protección do medio ambiente e fomento da eficiencia dos recursos (OT6)

Orzamento: 293.727,56 €

Financiamento FEDER: 80%

Estado: terminada

Prazo de execución: 6 meses

Contratista: Jardinería Arce SL

DESCRICIÓN

Proponse a implantación de hortas urbanas na área da Agra do Orzán. A parcela sitúase no parque Adolfo Suárez, máis concretamente no acceso a este desde a rotonda do Pavo Real na que conflúen a rolda de Outeiro, a terceira rolda e a rúa Manuel Murguía. Presenta ademais outro acceso desde a rolda de Outeiro e tamén pola rúa Pardiñas. Por esta última accédese a unha bolsa de estacionamento para as persoas usuarias que non se trasladen a pé. A parcela ten orientación noroeste - sueste con clara pendente descendente cara ao sueste.

Preténdese lograr unha implantación adaptada ao terreo, que saque o máximo proveito da pendente coa orientación que nos ofrece para conseguir un soleamento adecuado e a protección do vento do norte. Para iso, realizarase unha intervención mínima que reconfigura a súa xeometría. Son os muros de mampostería os que definen o conxunto da actuación, definindo os camiños, as plataformas e, estas, as hortas.

A parcela organízase mediante bancais que permiten a agrupación ou división de parcelas. Establécese unha superficie de parcela tipo de aproximadamente 28m². Cunha trama de 7x4 e camiños de 1,5m. Deste xeito obtemos 87 unidades, facilmente adaptables para persoas con mobilidade reducida mediante mesas de cultivo.

Respecto da súa infraestrutura, instalarase iluminación nos percorridos principais e tomas de auga por cada dúas parcelas, de modo que se permita a súa adecuación para regar por goteo.

A vexetación xoga un papel fundamental na intervención, a cal, xunto aos muros de pedra, permite unha gran diversidade biolóxica ao aloxar insectos e atraer paxaros e outra fauna útil. Isto reforzarase cun hotel de insectos que a maiores do seu propio uso presenta unha forte vontade didáctica.

Instalarase unha pila para lavado de calzado, ferramentas e verduras; unha composteira común, un xardín de plantas aromáticas e preverase o espazo para un posible invernadoiro para o seu uso como sementeiro colectivo.

Ademais, o presente proxecto contempla a instalación dunha edificación auxiliar para a relación veciñal, ademais de aloxar o material comunitario, os compartimentos para obxectos persoais e o aseo. A dita edificación desenvólvese nunha única planta, cunha superficie construída de 91,65m².

LIGAZÓNS DE INTERESE

Solicitude Edi

Contratación

Proxecto técnico