INFORMACIÓN XERAL

Operación: Mellora da eficiencia enerxética da iluminación na cidade da Coruña (LA17)

Obxectivo temático: favorecer o paso a unha economía con baixo nivel de emisión de carbono (OT4)

Orzamento: 320.254,08 €

Financiamento FEDER: 80%

Estado: terminada

Prazo de execución: 3 meses

Contratista: Equipos de Señalización y Control S.A.

DESCRICIÓN

A actuación consiste substituír 309 lámpadas obsoletas que existen en diferentes puntos da cidade por lámpadas LED de alta eficiencia e regulación remota punto a punto, cunha vida útil de 100.000 horas (aproximadamente 23 anos), co obxecto de:

• Mellorar a eficiencia enerxética das instalacións de iluminación pública, introducindo lámpadas de maior rendemento e con capacidade de regulación de ata un 100% da iluminación, reducindo a potencia de forma controlada nos períodos de menor actividade.
• Reducir os custos de mantemento, coa instalación de lámpadas cunha vida útil de 23 anos aproximadamente, 5 veces superior á das lámpadas actuais.
• Dotar as instalacións de iluminación dun sistema de control remoto punto a punto que permita a xestión operativa de forma centralizada, así como a análise do funcionamento do dito sistema, tanto operativa como enerxeticamente.
• Adecuar as instalacións de iluminación á regulamentación vixente, tanto no ámbito da eficiencia enerxética como da seguridade industrial.

O ámbito das actuacións circunscríbese aos seguintes tramos viarios:

• Avenida Gerardo Porto, na súa totalidade
• Avenida Fernando Suárez García, tramo entre a avda. Gerardo Porto e o ascensor ao parque Monte San Pedro
• Avenida Fisterra, tramo entre o lugar de San Xosé e a rolda de Outeiro
• Avenida de Arteixo, tramo entre a estrada dos Baños de Arteixo e a rolda de Outeiro
• Avenida Primo de Rivera, na súa totalidade avenida do Exército, tramo entre a Avenida Primo de Rivera e a zona de acceso ao túnel dos Castros

LIGAZÓNS DE INTERESE

Solicitude Edi

Contratación

Proxecto técnico