O propósito dunha "estratexia de cidade" é transformar a área urbana nun espazo de maior calidade urbana, equilibrado económica e socialmente, inclusivo e integrador, que respecte a diversidade, ambientalmente sustentable e con marcada igualdade en materia de xénero.

As Estratexias de Desenvolvemento Urbano Sostible Integrado (EDUSI) son o requisito previo para financiar actuacións e proxectos con fondos FEDER. O Estado español realizou 3 convocatorias desde o ano 2015 e resultaron beneficiarias destas axudas 173 entidades, cun total de 1.366 millóns €: 83 na primeira convocatoria, 40 na segunda e 50 na terceira.

Maioritariamente estas áreas funcionais foron administracións locais, principais puntos de apoio para facer realidade os obxectivos de crecemento intelixente, sustentable e integrador pola súa proximidade á cidadanía. O financiamento recibido adxudicouse en función da súa poboación:

• Áreas funcionais de máis de 100.000 habitantes: máximo 15 millóns de euros
• Áreas funcionais entre 50.000 e 100.000 habitantes: máximo 10 millóns de euros
• Áreas funcionais entre 20.000 e 50.000 habitantes: máximo 5 millóns de euros

Eses obxectivos plásmanse nun documento estratéxico que debe recoller a situación da cidade (activos, problemas e retos), unha análise DAFO, o que define uns Obxectivos Estratéxicos (OE) e unhas Liñas de Actuación (LA) enmarcadas, forzosamente, nalgún dos seguintes catro Obxectivos Temáticos (OT):

• OT2. Mellorar o uso e a calidade das tecnoloxías da información e da comunicación e o acceso a elas
• OT4. Favorecer a transición a unha economía baixa en carbono (EBC) en todos os sectores
• OT6. Conservar e protexer o medio e promover a eficiencia dos recursos
• OT9. Promover a inclusión social e loitar contra a pobreza e calquera forma de discriminación.

Estas estratexias utilizan unha metodoloxía participativa. Nelas debeuse garantir, de forma transversal ao proceso, a implicación cidadá na súa elaboración e implementación, para que sexan partícipes os principais axentes económicos, sociais e institucionais do territorio.

DESCARGAS:

• Programa Operativo de Crecemento Sostible (POCS) 2014-2020