Saiba cales son os requirimentos, hábitos e condutas que posibiliten gozar do espazo público de forma segura e ecuánime entre todos os modos de desprazamento. O Gabinete de Prensa Municipal achegou á celebración da SEM unha campaña nos medios de comunicación, radio, prensa escrita e redes sociais.

Por unha mobilidade sen emisións e Coruña Cidade 30 foron os eixos desa campaña. Diariamente confeccionábase unha nota de prensa sobre algún dos distintos compoñentes da mobilidade sustentable.

Tamén achegou dous grandes cubos de comunicación nos que se reflectían mensaxes claras e directas sobre a mobilidade. Durante a SEM planificouse cos Servizos Municipais de Mobilidade, Educación e Policía Local unha nova campaña de educación viaria, "A mobilidade en Cidade 30", que se as limitacións pola pandemia permíteno desenvolverase durante o curso escolar nos colexios e institutos da cidade. Nesta nova acción de concienciación poderá participar tamén outras entidades como Protección Civil, Stop Accidentes, o colectivo ciclista e de mobilidade Mobi-Liza e a Asociación de Usuarios de VMP. Tamén se planifico unha versión para compartir con adultos.