Por parte do Laboratorio de Mobilidade Sostible da UDC, a protagonista foi Margarita Novales, que foi a encargada de expoñer as vantaxes e oportunidades do transporte público colectivo para as e os viaxeiros, e destacou as boas cifras do servizo da Coruña e as melloras para implantar pola Compañía de Tranvías.

O peche desta primeira parte do foro realizouno a Federación de Asociación de Veciños da Coruña, María Luisa Varela, a súa presidenta, que mostrou imaxes da transformación da cidade nas últimas décadas e apostou por unha cidade con espazos públicos de maior calidade pensados para as persoas.

Na segunda parte do foro, o concelleiro de Urbanismo, Vivenda, Infraestruturas e Mobilidade, Francisco Dinís Díaz Gallego, e presidente da Mesa de Mobilidade, foi o protagonista da mobilidade coruñesa.

A través dun relatorio no que lles levou ás persoas asistentes as iniciativas dunha mobilidade sostible, distintos enfoques e accións que se aplicaron na cidade. Presentou os avances en equipamento de mobilidade implementados neste mandato de 3 anos conectando A Coruña e garantindo o dereito ao espazo público da cidadanía.

Sumouse a continuación Iago Domínguez, do Clúster da Función Loxística de Galicia, que expuxo os problemas da distribución urbana de mercadorías nas cidades e as posibles melloras para implementar e destacou os avances na Coruña coa mesa de traballo da Mesa de Mobilidade Sostible.

A continuación Teresa Firvida, da Asociación de Empresarios de Agrela, explicou as melloras implementadas no polígono e as necesidades das persoas traballadoras, empresas e usuarias del.

Por último, representantes da nova mobilidade que chegou para quedar, da man de Alejandro Voces de Mobi-liza, Iván Rama, do Club Galicia Rollers e Enrique Fernández da Asociación Coruñesa de Usuarios de Vehículos de Mobilidade Persoal, que expresaron as súas preocupacións a favor dunha mellor mobilidade na nosa cidade.