Dentro do marco da programación da Semana Europea da Mobilidade, o día 19 realizouse unha marcha ciclista, para que persoas de todas as idades poidan descubrir a mobilidade saudable.

Decathlon sumouse a esta campaña cun programa de actividades para que os cidadáns e cidadás poidan descubrir a mobilidade saudable e os seus beneficios, tanto físicos como mentais, e axudarlles así a promover un cambio de hábitos na forma de desprazarse.

Ademais do impacto positivo nas persoas, a mobilidade saudable contribúe tamén a reducir as emisións nas cidades e a contaminación acústica e do aire para conseguir unhas cidades máis limpas, sas e sostibles.

O Concello da Coruña non dubida en promover esta actividade física, a bici non só é un produto de mobilidade, moverse alonga a vida, favorece o respecto ao medio ambiente e estilos de vida máis saudables.