Adquiríronse 8 vehículos de enerxía alternativa, sendo 6 turismos e 2 furgonetas de tipo eléctrico puro para renovar o parque móbil municipal do Concello da Coruña, e consecuentemente as 5 estacións estándar de recarga intelixente. Os vehiculos incorporáronse á frota municipal no mes de setembro de 2020, e supuxeron a eliminación de catro vehículos municipais anticuados e obsoletos considerados altamente contaminantes pola súa antigüidade e características técnicas.

Este proxecto incluíuse nunha solicitude municipal de participación nas axudas do Plan Moves II, Programa Estatal de Incentivos á Movidad Eficiente e Sostible, cofinanciado pola Unión Europea Programa Operativo FEDER Galicia 2014-2020. O Instituto Enerxético de Galicia (INEGA), outorgou unha axuda por importe total de 36.500 € ao custo total do contrato de renting que conta con importe anual de gasto por 62.436 €. O contrato ten unha duración inicial de 3 anos prorrogables por outros 2 máis.

Os vehículos adquiridos cumpren a normativa de aplicación vixente ao considerárense 100 % eléctricos ou eléctricos puros, e ofrecen a máxima seguridade a persoas e vehículos, ademais de fomentar a mobilidade sostible ao tratarse de vehículos de enerxías alternativas.

Esta adquisición encádrase nun plan de renovación da frota municipal para a implantación dunha frota máis sostible, eficiente e saudable, con menos emisións e redución de ruídos, así como a mellora da xestión dos vehículos de titularidade municipal.